Encore est vive la souris

Nouvelles ont couru en France,
Par mains leiux que j'estoye mort,
Dont avoient peu desplaisance
Aucuns qui me hayent a tort;
Autres en ont eu desconfort,
Qui m'aiment de loyal vouloir,
Comme mes bons et vrais amis:
Si fais a toutes gens savoir
Qu'encore est vive la souris.

Je n'ay eu ne mal ne grevance,
Dieu mercy, amis suis sain et fort,
Et passe temps en esperance
Que Paix, qui trop longuement dort,
S'esveillera, et par Accort
A tous fera liësse avoir;
Pour ce de Dieu soient maudis
Ceux qui sont dolens de veoir
Qu'encore est vive la souris.

Jeunesse sur moy a puissance,
Mais Viellesse fait son effort
De m'avoir en sa gouvernance;
A present faillira son sort:
Je suis assez loing de son port.
De pleurer vueil garder mon hoir;
Loué soit Dieu de paradis,
Qui m'a donné force et povoir
Qu'encor est vive la souris.

Nul ne porte pour moy le noir:
On vent meilleur marchié drap gris;
Or tiengne chascun pour tout voir
Qu'encore est vive la souris.


Charles d'Orléans







Worth Regarding:
In light of Valentines Day, I present to you Charles d' Orleans, who is said to have written the first valentine ever to his wife while he was imprisoned in London. This isn't the first Valentine ever...but you can see the translation above.